Tag Archives: բաղեղ սովորական

Բույսեր, Սենյակային բույսեր

Բույսեր ձեր ննջասենյակի համար

Leave a comment

Նարդոս (անգլ.՝ Lavender, ռուս.՝ Лаванда, լատ.՝ Lavandula) 

Նարդոսը հայտնի է իր քնաբեր բուրմունքով, այն մեղմում է սթրեսային վիճակը, իջեցնում արյան ճնշումը, ինչը քնելու ցանկություն է առաջացնում:
Նարդոսը օժանդակում է թեթև քնին և կրճատում է քնի “աչքերի արագ շարժի” փուլը:

Հալվե վերա (անգլ.՝ Aloe vera, ռուս.՝ Алоэ настоящее, Алоэ вера, լատ.՝ Alóe véra, Aloe Barbadensis Miller)

Հալվե վերան սենյակի օդը մաքրելով նպաստում է քնին: Գիշերները այն թթվածին է արտադրում, ինչը նույնպես նպաստում է խոր և հանգիստ քնին:
Տեղադրեք բույսը ննջարանի ամենալուսավոր պատուհանի գոգին, քանի որ այն սիրում է պայծառ լուսավորություն:

Հասմիկ (անգլ.՝ Jasmine , ռուս.՝ Жасмин, լատ.՝ Jasmínum)

Ժասմինի բույրը հին ժամանակներից է հայտնի  իր հանգստացնող հատկությամբ: Բույսն ունի սեդատիվ հատկություններ, որոնք դրական ազդեցություն են ունենում քնի որակի վրա: Գիշերները ձեր մահճակալին հնարավորին մոտ դրեք Հասմիկին:

Սանսևիերիա (Զոքանչի լեզու, անգլ.՝ Mother-in-law’s tongue, Devil’s tongue, Snake plant, ռուս.՝ Сансевие́ра, Тёщин язык, Щучий хвост, լատ.՝ Sanseviera)


Զոքանչի լեզվի պարզ կանաչ կամ կանաչ եւ դեղին, ուղղաձիգ տերեւները կարող են հրաշալի ներդաշնակվել ցանկացած ինտերիերի հետ: Սանսևիերիան ունի օդի մաքրման մեխանիզմ, որը նման է Հալվե վերայի մեխանիզմին, այն գիշերվա ժամերին նույնպես թթվածին է արտադրում ու մաքրում օդը՝ դարձնելով քունը խաղաղ ու հանգիստ:

Քլորոֆիտում (անգլ.՝ Spider Plant, ռուս.՝ Хлорофитум, լատ.՝ Chlorophytum)

Քլորոֆիտումը, ինչպես Հալվե վերան եւ Սանսևիերիան, մաքրում է օդը, իսկ մարդիկ մաքուր օդում խաղաղ են քնում: Քլորոֆիտումն ուի մեկ այլ հրաշալի հատկություն, այն կարող է օդից հեռացնել վնասակար ֆորմալդեհիդների մոտ 90%-ը: Առողջ ու հանգիստ քուն ապահովելու համար, կարելի է մի քանի Քլորոֆիտում տեղադրել ննջարանում:

Գարդենիա (անգլ.՝ Gardenia, ռուս.՝ Гардения, լատ.՝ Gardénia) կամ Գարդենիա հասմիկանմանը (անգլ.՝ Cape jasmine, ռուս.՝ Гардения жасминовидная, լատ.՝ Gardenia jasminoides)


Երկու տիպի Գարդենիաներն էլ, իրենց քնաբեր հատկությամբ կարող են համեմատվել դեղատնից գնված քնաբեր հաբերի հետ:
Եթե ձեզ հակասթրեսային կամ քնաբեր հաբեր են նշանակել, մինչև դրանց անցնելը փորձեք Գարդենիայի ազդեցությունը:


Երկու տիպի Գարդենիաներն էլ անքնություն բուժեղ, անհանգիստ քնից ու տագնապից ազատող արդունավետ միջոց են համարվում:

Բաղեղ սովորական (անգլ.՝ English Ivy, Common Ivy, ռուս.՝ Плющ обыкновенный, լատ.՝ Hedera helix)

Հայտնի է, որ Բաղեղը մեղմում է ալերգիկ և ասթմատիկ երևույթները, քանի որ ունի օդը տոքսինների 94%-ից ու բորբոսների 78%-ից մաքրելու հիանալի հատկություն:  Սա թեթևացնում է շնչառական պրոբլեմներ ունեցողների քունը:

Բույսեր, Սենյակային բույսեր

Ամենահեշտ աճեցվող սենյակային բույսերը

Leave a comment

Հալվե վերա (անգլ.՝ Aloe vera, ռուս.՝ Алоэ настоящее, Алоэ вера, լատ.՝ Alóe véra, Aloe Barbadensis Miller)

Բաղեղ սովորական (English Ivy, Плющ обыкновенный, Hedera helix):

Թանձրատերևուկ ծառանման (անգլ.՝ Silver Dollar Plant, Silver Dollar Jade, Silver Jade Plant, Chinese Jade, Tree Crassula, Beestebul, Money Plant, Round-Leaved Crassula, ռուս.՝ Толстянка древовидная, Денежное дерево, լատ.՝ Crassula Arborescens)

Ֆիկուս կաուչուկաբեր (անգլ.՝ Ficus elastica, Rubber fig, Rubber bush, Rubber tree, Rubber plant, Indian rubber bush, ռուս.՝ Фикус каучуконосный, Фикус эластичный, լատ.՝ Ficus elastica)

Պոթոս (Pothos, Потос, Pothos)

Դիֆենբախիա (Dumb cane, Диффенбахия, Dieffenbachia);

Քլորոֆիտում (անգլ.՝ Spider Plant, ռուս.՝ Хлорофитум, լատ.՝ Chlorophytum)

Ֆիկուս քնարաձև (Fiddle-leaf fig, Фикус лировидный, Ficus lyrata)

Սանսևիերիա (անգլ.՝ Mother-in-law’s tongue, Devil’s tongue, Jinn’s tongue, Bow string hemp, Snake plant և Snake tongue, ռուս.՝ Сансевие́ра, Сансевье́ра, Тёщин язык, Щучий хвост, լատ.՝ Sanseviera)


 

Բույսեր, Սենյակային բույսեր

Բնակարանի կամ աշխատասենյակի օդը մաքրող բույսեր

Leave a comment

Շատ կարևոր է թե՛ տանը, թե՛ աշխատավայրում մաքուր ու թարմ օդ շնչելը: Գազօջախի, վառարանի աշխատանքից, վերանորոգման համար օգտագործված շինանյութերից օդում կարող են առաջանալ վնասաբեր տոքսիններ, որոնց ներկայությունն աննկատ է:

Պարբերաբար օդափուխությանը զուգահեռ, օդի մաքրման համար շատ կարևոր գործ կարող են անել սենյակային բույսերը:

Ստորև ներկայացնում ենք օդը մաքրող 14 լավագույն բույսերը:

1. Դիփսիս դեղնավուն

(անգլ.՝ Аreca palm, ռուս.՝ Дипсис желтоватый, լատ.՝ Dypsis lutescens)

Դիփսիսը նաև անվանում են Արեկայի արմավենի: Օդ մաքրող շատ արդյունավետ, լայնորեն տարածված և ոչ պահանջկոտ բույս է:

Վերացնում է սենյակում հայտնված բոլոր հայտնի տոքսինները:

Ըստ Ֆեն-շուի տերևները փափկեցնում են տան կամ աշխատավայրի էներգիան:

Դիփսիսը իրեն լավ է զգում լուսավոր և տաք սենյակներում, որտեղ չկան միջանցիկ քամիներ։ Խորհուրդ է տրվում հաճախակի ցողել։

2. Ռոբելենի արմավենի

(անգլ.՝ Pygmy Date Palm, ռուս.՝ Финик Робелена, լատ.՝ Phoenix roebelenii)

Գաճաճ արմավենի է: Կարող է աճել կիսաստոերում և հասնել 150-180 սմ բարձրության:

Վերացնում է տոքսիկ նյութերի մեծամասնությունը, առանձնապես քսիլոլը:

Pygmy Date Palm – Said to remove formaldehyde and xylene (a chemical found in plastics and solvents) from the air.

3. Եղեգնարմավ Զեյֆրիցի

(անգլ.՝ Bamboo palm, ռուս.՝ Хамедорея Зейфрица, լատ.՝ Chamaedorea sefritzii)

Վնասատուներ համարյա չունի: Ըստ Ֆեն-շուի, հարմարավետ մթնոլորտ է ստեղծում:

Ըստ ամերիկյան NASA-ի գիտնականների, վերացնում է մրջնալդեհիդները (ֆորմալդեհիդ, formaldehyde), բենզոլը, եռաքլորէթիլենը, հանդիսանում է օդի բնական խոնավեցնող:

4. Ռապիս

(անգլ.՝ Lady palm, ռուս.՝ Рапис, լատ.՝ Rhapis Excelsa)

Հովհարաձև տերևներով գաճաճ արմավենի է:

Շատ տարածված, ոչ պահանջկոտ բույս է:

Վերացնում է սենյակային տոքսինների մեծ մասը:

Մանրամասն այստեղ ==>

5. Ֆիկուսներ

Բինենդիյկի ֆիկուս

(անգլ.՝ Ficus Alii, Amstel King Tree, ռուս.՝ Фикус Биннендийка, լատ.՝ Ficus binnendijkii)

Ոչ պահանջկոտ բույս է: Վերացնում է օդում գտնվող տոքսինների մեծամասնությունը, մանավանդ մրջնալդեհիդները (ֆորմալդեհիդ, formaldehyde):

Ficus alii – Said to be a great overall air purifier.

Ֆիկուս կաուչուկաբեր

(անգլ.՝ Rubber fig, ռուս.՝ Фикус каучуконосный, լատ.՝  Ficus elastica)

Աճում է նույնիսկ կիսախավարում, դիմանում է չափավոր ցրտերին:

Վերացնում է օդում գտնվող տոքսինների մեծամասնությունը, մանավանդ մրջնալդեհիդները (ֆորմալդեհիդ, formaldehyde):

6. Վիշապածառ

(անգլ.՝ Mass cane, Dracaena fragrans Massangeana, Dracaena massangeana, Corn plant, ռուս.՝ Драцена душистая массенджеана, լատ.՝ Dracaena fragrans) 

Գեղեցիկ բույս է, շատ լուսավորություն չի պահանջում:

Վերացնում է օդի միջի տոքսիկ նյութերի մեծամասնությունը, մանավանդ եռաքլորէթիլենը, բենզոլը, ֆորմալդեհիդը ու քսիլոլը:

Հայտնի է վիշապածառի մոտ 40 տեսակ:

Նրանք, ովքեր տանը կատու կամ շուն  ունեն, պետք է նկատի ունենան, որ վիշապածառը թունավոր է նրանց  համար: Եթե բնակարանը, որտեղ ապրում եք ձեր սիրելի կենդանիերի հետ, փոքր է, ապա վիշապածառի ընտրությունն այնքան էլ հաջող չէ:

7. Բաղեղ սովորական

(անգլ.՝ Common ivy, ռուս.՝ Английский плющ, լատ.՝ Hedera Helix)

Պահանջկոտ բույս չէ: Հարմար է թե՛ տանը, թե՛ հասարակական վայրերում աճեցնելու համար:

Վերացնում է օդում գտնվող տոքսինների մեծամասնությունը, մանավանդ մրջնալդեհիդները (ֆորմալդեհիդ, formaldehyde)

8. Սպաթիֆիլում

(անգլ.՝ Peace lily, ռուս.՝ Спатифиллюм, լատ.՝ Spathiphyllum)

Գեղեցիկ, նուրբ, սպիտակ ծաղիկներով բույս է: Խնամելը հեշտ է:

Ըստ Ֆեն-շուի, ուժեղացնում է խաղաղության և հանգստության էներգիան:

Օդից վերացնում է էթանոլը, ացետոնը, եռաքլորէթիլենը, բենզոլը և մրջնալդեհիդները (ֆորմալդեհիդ, formaldehyde):

9. Պտեր բոստոնյան

(անգլ.՝ Boston Fern, Boston swordfern, Sword fern, Wild Boston fern, Tuber ladder fern, Fishbone fern, ռուս.՝ Папоротник бостонский, լատ.՝ Nephrolepis exaltata)

Լավ խնամքի դեպքում շատ գեղեցիկ է դառնում: Սիրում է զով, բարձր խոնավությամբ  վայրեր  ու անդրադարձող լույս:

Վերացնում է օդում գտնվող տոքսինների մեծամասնությունը, մանավանդ մրջնալդեհիդը (ֆորմալդեհիդ, formaldehyde) և քսիլոլը: Խոնավեցնում է սենյակի օդը:

10. Քլորոֆիտում

(անգլ.՝ Spider Plant, ռուս.՝ Хлорофитум, լատ.՝ Chlorophytum)

Շատ լավ է մաքրում օդը տարատեսակ աղտոտվածությունից նաև հարստացնելով այն թթվածնով։ Շշատ հոգածություն չի պահանջում, լավ է իրեն զգում յուրաքանչյուր միջավայրում։ Քլորոֆիտումը ամենից լավ իրեն զգում է պատուհանագոգին, երբ նրա վրա արևի լույս է ընկնում։ Այն պետք է ջրել պարբերաբար և հաճախակի ցողել։

11. Հալվե Վերա

(անգլ.՝ Aloe Vera, ռուս.՝ Алоэ Вера, լատ.՝ Alóe véra)

Բազմաֆունկցոնալ բույս է, այն բուժում է այրվածքներ, մրսածությունն ու հիանլի մաքրում է  սենյակի օդը:

Օդի միջից կլանում է մրջնալդեհիդները (ֆորմալդեհիդ, formaldehyde):

12. Սանսևիերիա

(անգլ.՝ Mother-in-law’s tongue, Devil’s tongue, Jinn’s tongue, Bow string hemp, Snake plant և Snake tongue, ռուս.՝ Сансевие́ра, Сансевье́ра, Тёщин язык, Щучий хвост, լատ.՝ Sanseviera)

Ավելի հայտնի է “Զոքանչի լեզու” անվամբ:

Ամենա ոչպահանջկոտ բույսերից մեկն է, որը նաև մեծ քանակությամբ թթվածին է արտադրում։ Սանսևիերիան իրեն հրաշալի է զգում ինչպես հով, այնպես էլ տաք սենյակում, ընդորում, չնայած լուսասեր է, կարող է աճել նաև կիսախավարում։ Երաշտադիմացկուն է՝ հաճախակի ջրման կարիք չունի։

13. Փիփերոմիա տափակատերև

(անգլ.՝ Baby rubber plant, ռուս.՝ Пеперомия туполистная, լատ.՝ Peperomia obtusifolia)

Շատ թթվածին արտադրող բույս է: Մաքրում է օդը, մրջնալդեհիդներից (ֆորմալդեհիդ, formaldehyde) և այլ տոքսիններից:

14. Ագլաոնեմա

(անգլ.՝ Aglaonema, Chinese evergreen, ռուս.՝ Аглаонема,  լատ.՝ Aglaonema)

Շատ թթվածին արտադրող բույս է: Մաքրում է օդը մրջնալդեհիդներից (ֆորմալդեհիդ, formaldehyde), բենզոլից և այլ տոքսիններից:

15. Գերբերա Ջեյմսոնի

(անգլ.՝ Gerbera Daisy, ռուս.՝ Гербера, լատ.՝ Gerbera jamesonii)

Ըստ ամերիկյան NASA-ի գիտնականների այս բույսը հոյակապ կլանում է բենզոլը՝ քաղցկեղածին քիմիական հայտնի նյութը:

Գիշերվա ընթացքում կլանում է ածխածինը և արտադրում է թթվածին, ինչը նպաստում է հանգիստ քնելուն:

Բույսեր, Խոտաբույսեր, Սենյակային բույսեր

Տանը դրական էներգիա սփռող 12 բույսեր

Leave a comment

Սենյակային բույսերը մեծամասամբ աճեցվում են տունը կամ գրասենյակը գեղեցկացնելու համար: Բայց կան բույսեր, որոնք բացի այդ դրական էներգիա են հաղորդում միջավայրին:  Որոշ բույսեր ունակ են մաքրել օդը, կամ հանգստացնել, ազատել ստրեսից, լավ տրամադրություն հաղորդել: Ձեզ շրջապատող բացասական էներգիան ցրելը կարևոր գործոն է առողջության և երջանկության համար: Աճեցրեք ներքո ներկայացված 12 բույսերը ի բարօրություն ձեզ և ձեր մերձավորների:

 1/ Սպաթիֆիլում, (անգլ.՝ Peace Lily, ռուս.՝ Спатифи́ллум, լատ.՝ Spathiphyllum)

Համարվում է, որ Սպաթիֆիլումը նպաստում է մարդու հոգևոր, մտավոր և ֆիզիկական զարգացմանը: Այն բարելավում է էներգիայի հոսքը տան մեջ, մաքրելով օդը և չեզոքացնելով ներսի վնասաբեր գազերը: Այս բույսը լավ է աճում ստվերում և նույնիսկ մութ անկյուններում: Տեղադրվելով ննջարանում, այն խաղաղություն ու հանգիստ քուն կպարգևի:

2/ Հասմիկ (անգլ.՝ Jasmine, ռուս.՝ Жасмин, լատ.՝ Jasmínum)
Հասմիկը դրական էներգիա է հավաքում, օգնում է կառուցել և խորացնել ռոմանտիկ հարաբերությունները: Հասմիկի քաղցր և հաճելի բուրմունքը կարող է օգնել ընկճախտից դուրս գալուն և լրացուցիչ լիցքեր հաղորդել: Այս բույսը պետք է տեղադրել հարավային պատուհանի գոգին, իսկ եթե այգում է, ապա հյուսիսային, արևելյան կամ հյուսիս-արևելյան հատվածներում:

 3/ Խնկունի (անգլ.՝ Rosemary, ռուս.՝ Розмарин, լատ.՝ Rosmarinus officinalis)

Խնկունին օժանդակում է ֆիզիկական և մտավոր ինքնազգացողության բարելավմանը, քանի որ մաքրում է սենյակի օդը տոքսիններից: Խնկունու հոտը կարող է վայրկյանական բարձրացնել ձեր տրամադրությունը, բացի այդ, մեղմում է հոգնածությունը, թարմացնում է հիշողությունը, օգնում է հաղթահարել վախերը և անքնությամբ տառապողներին: Խնկունին նաև ներքին հանգստություն է պարգևում: Տեղադրեք խնկունին արևկող տեղում և զգուշացեք այն ջրախեղդ անելուց:
4/ Վիշապենի (Lucky Bamboo [Dracaena braunii], Драцена Сандера, լատ.՝ Dracaena sanderiana)
Վիշապենին Ասիայում անհիշելի ժամանակներից  համարվում է բարի բախտի և բարգավաճման խորհրդանիշ: Ֆեն շուին համաձայն, վիշապենու ուղղաձիգ ուրվագիծը ներկայացնում է փայտի տարրը, որն ազդում է կյանքի էներգիայի, կենսունակության և ֆիզիկական ակտիվության վրա: Վիշապենին մեծ խնամք չի պահանջում: Դրեք այն արևի ուղղակի լույսից դուրս, կիսաստվերում կամ ստոերում, սենյակի որևէ անկյունում, ապակյա ծաղկամանի մեջ՝ լցնելով 2,5 սմ բարձրությամբ թորած կամ լավ ֆիլտրացված ջուր:

5/ Էպիպրեմնում (ԱՆԳԼ.՝ Money Plant, ՌՈՒՍ.՝ Эпипре́мнум золотистый, լատ.՝ Epipremnum aureum)
Ըստ Ֆեն շուի Էպիպրեմնումը դրական էներգիա է սփռում, որը բերում է բարի բախտ և հաջողակություն: Այն կարելի է աճեցնել և որպես մագլցող, և որպես գետնատարած բույս: Էպիպրեմնումը տեղադրեք սուր պատերի կամ անկյունների դիմաց, որպեսզի այն օգնի նվազեցնել տագնապները, ընկճախտը և վատ մտքերը: Բույսի շյուղը պետք է ուղղված լինի վերև, որպեսզի հարստություն ու բարգավաճում բերի ընտանիքին:
6/ Խոլորձ (անգլ.՝ Orchid, ռուս.՝ Орхидея, լատ.՝ Orchidaceae)
Ֆեն շու ուսմունքին համաձայն, խոլորձը դեպի իրեն դրական էներգիա է ձգում ու կուտակում, ինչով բարելավում է տան էներգիան ու բնակվողների կյանքը: Խոլորձներն ունենում են տարբեր ձևերի և գույների երկար պահպանվող ու նուրբ, սքանչելի հոտ ունեցող ծաղիկներ, որոնք տրամադրություն են բարձրացնում: Խոլորձները թթվածին են արտադրում գիշերը, այնպես որ ննջարանում տեղադրելը լավ լուծում է:

7/ Հալվե Վերա (անգլ.՝ Aloe Vera, ռուս.՝ Алоэ вера, լատ.՝ Alóe véra) 
Հալվե Վերան հաջողություն ու դրական էներգիա է բերում: Այն նաև տարբեր կիրառումներ ունենալ որպես որպես դեղաբույս: Մի տեղադրեք այն Արևի ուղիղ չառագայթների տակ, ընտրեք ծրված լուսավորությամբ տեղ, կամ ապահովեք արհեստական լուսավորություն: Նաև մի մոռացեք կանոնավոր ջրել: Հալվե Վերան չի սիրում ջրախեղդ վիճակը, այնպես որ ապահովեք հողի լավ դրենաժ: Համարվում է, որ Հալվե Վերան օդի մեջ տարածում է նյութեր, որոնք վանում են դժբախտություններն ու բացասական հոգեհոսանքները (ֆլյուդները):
8/ Սուրբ Ռեհան (անգլ.՝ Holy Basil, ռուս.՝ Базилик свяще́нный, լատ.՝ Ocimum sanctum)
Համարվում է, որ Սուրբ Ռեհանը մաքրում է օդը բացասական էներգիայից և խթանում է միջավայրի դրական տատանումները: Սա այն հազվադեպ բույսերից է, որ օրական 20 ժամ թթվածին է արտադրում ու միաժամանակ չեզոքացնում է ոդում տարածված վնասակար գազերը: Սուրբ Ռեհանը հզոր հակաօքսիդանտ է՝ իր հակաբակտերիալ, հակասնկային ու հակաբորբոքային հատկություններով:  Համարվում է, որ Սուրբ Ռեհան աճեցնելը նպաստում է հոգեկան առողջությանը, մանավանդ երբ բույսը տեղադրված է տան կամ բակի հյուսիսային, հյուսիսարևելյան կամ արևելյան հատվածներում: Սուրբ Ռեհանը լավ է աճում պայծառ արևի տակ:
9/ Քրիզանթեմ (անգլ.՝ Chrysanthemum, ռուս.՝ Хризанте́ма, լատ.՝ Chrysánthemum)
Քրիզանթեմը մաքրության և ազնվության խորհրդանիշ է: Նաև համարվում է, որ ունի բուժիչ հատկություններ: Մաքրում է օդը և չեզոքացնում տոքսինները: Քրիզանթեմը բարեկեցուցյան և երկար կյանքի խորհրդանիշ էլ է: Տեղադրեք Քրիզանթեմը լարվածություն ներշնչող գոտիներում, որպեսզի այն հանգստություն պարգևի:

10/ Եղեսպակ (անգլ.՝ Sage, ռուս.՝ Шалфе́й лека́рственный, լատ.՝ Salvia officinalis)
Եղեսպակը անհավատալի մաքրող հատկություն ունի և օգնում է վանել տան մթնոլորտից այնպիսի բացասական զգացմունքներ, ինչպիսին են զայրույթն ու վախերը: Այն նաև տնով մեկ սփռում է դրական էներգիա: Հավելենք, որ նաև դեղաբույս է: Պետք չէ տեղադրել Եղեսպակը շատ չոր, խոնավությունից զուրկ տեղերում:

11/ Դիփսիս (անգլ.՝ Bamboo palm, Golden cane palm, ռուս.՝ Дипсис желтоватый, լատ.՝ Dypsis lutescens)
Այս բույսի տերևների գեղատեսիլ կորերը փափկեցնում են տան կամ գրասենյակի տարածքի էներգիան: Դիփսիսը նաև հրաշքներ է կատարում օդը մաքրելու գործում՝ վերացնելով բոլոր տոքսինները և ստեղծելով կենսագործունեության համար հարմարավետ միջավայր:

12/ Բաղեղ սովորական (անգլ.՝ English Ivy, ռուս.՝ Плющ обыкновенный, լատ.՝ Hedera helix)
Բաղեղը ոչ միայն գեղեցկացնում է փոքր տարածքները, այլև բարձր է գնահատվում իր՝ օդը ֆիլտրելու կարողությամբ: Այն կլանում է օդի միջի տոքսինները, վերածելով բնակարանը հանգիստ ու ապահով տարածքի:

Թարգմանված է այստեղից:

Հղումներ